2009年11月21日關西紅葉五天遊 v1.3 相部:大阪,奈良,京都,神戶
第一天(星期六) 下午3時到達大阪"關西機場", 今日匯率是9.06, 即$1,000HKD 換到 9,060YEN, 用5,000YEN 買了張 3天的關西火車証(KANSAI THRU PASS) . 坐"南海電車" 從"關西機場"站到"南海難波"站(50分鐘) , 到"難波太空艙"Check-in後, 坐地鐵去"心齋橋".
第二天(星期日)天色很籃, 坐"近鐵難波線" 從 "難波" 站到 "近鐵奈良"站 約50分鐘. 今天參觀"東大寺",同"春日大社", 兩個地方都是奈良公園內, 奈良公園內有成千隻鹿仔周圍走, 你會好似在動物園內面咁, 有D賣150YEN 包的鹿仔餅,
D鹿仔真是好餓, 我個地圖睇睇下都比佢地食佐.
身為世界文化遺產的東大寺(500YEN入場費)一定要睇，果然名不虛傳，個幾十尺高的巨形木製佛像, 真是未見過.
再去"春日大社"(免費的), 更和風氣息, 內有很多供奉用的石燈籠,同石柱, "春日大社"剛剛舉行"七五三"節, 好多小朋友穿和服, 回來查下先知, "七五三"節是日本人,答謝神明照顧D小朋友的節日, 點解叫"七五三", 因女孩三歲,七歲去神社參拜, 而男孩則五歲去神社參拜.
步行回"近鐵奈良" 站, 有條步行街, 可Shopping 同食Lunch, 仲有間草餅店, D師父們表演揼草餅, 很精采,一定睇呀.
下午 坐"京都線" 從 "近鐵奈良"站到 "京都"站 約50分鐘
去到"京都"站, 行幾分鐘出佐"京都" 站, 就是京都巴士站, 坐100號或206號, 約20分鐘 去到"五条坂"站, 再行約20分鐘上山便是清水寺了, 日場約5時清場, 6時後是晚場(500YEN入場費), 晚上看紅葉, D人多到好似維園行花市咁, 好熱鬧. Youtube清水寺-夜之拜觀
夜行清水寺一圈要1個小時多D. 700YEN 吉列豬扒飯定食
第三天(星期一)
早上 買了張 "阪急電鐵" 40週年紀念 的 1天火車証, 先到"四天王寺" 站, 行行當地的市集, 原來好似廟街咁.
回"梅田" 站坐"阪急電鐵" 去 "嵐山" 站, 中途在 "桂"站 轉去"嵐山" 站, 全程約60分鐘.
在"嵐山"區, 不計巴士站叫"嵐山"站的, 都有4個, 我的行程是去"阪急電鐵" 的 "嵐山" 站, 落車後,先拿張精美的地圖, 行幾分鐘就到"渡月橋", 一句請晒, 好多人呀!
呢到見到多D香港人同國語人, 今日好天氣, 上龜山, 好多紅葉呀!
, 再落番去竹林, 靚呀!
再去又是一個叫"嵐山" 站的地方, 呢個是"嵯峨野觀光列車線"的第2個站. 跟著去好人氣的"常寂光寺"(500YEN入場費), D紅葉又紅,又有層次,
上"常寂光寺"的小山, 看番市區D屋仔, 唔錯.
跟住去就是"野宮神社"(免費的), 據聞話好靈驗, 又是有好多人,
最後行"世界文化遺產"的天龍寺"(免費的), 也是一個多紅葉地方, 但天龍寺地方好大, 人就唔覺得多. 寺同寺的途中,有各式各樣的小食.
行完D寺, 天都黑晒(其實只是下午4點幾), 步行去JR"嵐山"站睇睇, 大車站一個, 無mud特別, 旁邊的站叫"嵯峨野", 是"嵯峨野觀光列車線" 的總站, 個站好靚, 站內介紹"峨野觀光列車線"的由來,
回到"渡月橋"途中, 又經過一個叫"嵐山" 站, 呢個是"京福電車" 的站, 呢個站是商場內. 又是超多人的. 點解咁夜回去"渡月橋", 因為想看個月亮倒影 在橋邊的河上, 但D水太小, 唔是好得. 從"阪急電鐵" "嵐山" 站 回"梅田"站, 吃過晚飯便回難波了.
700YEN 壽司 + 烏冬
第四天(星期二)
早上 "阪急電鐵" 從“梅田” 站到“箕面”站 約30分鐘.
去"箕面瀑布" D人個個都好行山look!,
行起來, 好似行上香港大平山頂咁易行, 途中紅葉片片, 加上條小河, 同寺廟, 仲比我見到一隻池鳥, 又是另一番味道. Youtube大阪箕面瀑布
下午坐"阪急神戶本線" 到神戶的"有馬溫泉" 站 浸溫泉, 途中要轉兩次車, 經"新神戶"站, 約60分鐘, 就去到"有馬溫泉" 站, 一落車, 見到溫泉區的觀光巴土(100 YEN), 又幾靚, 我無坐到, 行去溫泉約10分鐘, 我去先行上去"妙見寺", 睇"有馬"區的全景, 落番去"金之湯"溫泉(650YEN入場費), 但佢今天休息, 只好再行多幾分鐘去"銀之湯"溫泉(550YEN入場費).
浸過浴, 又行下"有馬"的寺廟. 後坐"阪急電鐵"到新旅遊區"臨海樂園", 有貓王的銅像, 長頸鹿銅像(蒼天之塔), 運河花園, 最特別的是運球機"叮咚", 出到海邊就見到神戶的地標. 後坐 "阪急電鐵" 回"梅田" dinner. Youtube運球機"叮咚"
今天比較早, 便坐地鐵到"日本穚"站 ,慢慢行回難波, 途中經過"心齋橋", "道崛頓", "難波Hips", "千日前", 最旺的當然是"道崛頓", 開到早上5時. 呢到也是見到最多香港人的地方.
700YEN 天婦羅飯 + 加麥蕎麵(Soba)
第五天(星期三)
早上, 睡遲一點, 浸過浴, 就去食早餐, checkout後便再行下“道崛頓”, “千日前”, 仲發現佐D叫"南海通","難波本通" ,"道具屋筋" 的步行街, 我選佐行下BIG CAMERA 的多層商場, Canon 7D, 5D Mark II, Panasonic GF-1, Olympus EP1, 任你試, 個商場仲有 D "A1 Size"咁張 的 2010 年曆送, 最後參觀"難波Parks"商場, 然後到"南海難波" 站買車票回關西機場. 600YEN 牛肉飯+麥蕎麵(Soba)
5天的行程完結了. 唔錯!唔錯!
問答篇
1. 3天火車証(KANSAI THRU PASS)的特點
-在任何3天內(可不連續的3天), 可自由乘坐開往京都、大阪、神戶、比叡山、姬路，和歌山、奈良、高野山的電車和巴士.（註: JR除外）
-可以省去在乘坐電車和巴士時，查看複雜的票價表和買票時間，也無須在每次換乘時重新買票.
-可以享受沿線的350處主要觀光設施的優惠折扣.
-到達關西國際機場後，可以乘坐從關西機場站始發的南海電車.
-贈送漢語導遊手冊 + 車線圖.
-2. 3 天火車証(KANSAI THRU PASS)是不是一定要買?
我個人覺得買佐方便好多, 不用計來計去, 機場去難波 890 YEN, 機場去梅田 1,000 YEN, 地鐵坐一個站或坐巴士 , 每程 最少200YEN, 去和歌山, 奈良,京都,神戶 每程 約600YEN 到 1,000YEN. 轉車線又要再比錢. 另導遊手冊 同車線圖都好正. 同JR比, 佢D站多好多, 同D站的位置比JR多數近景點D. 另外有D一天的火車証, coverage 無咁多, 你又要計下Fit 唔 Fit 你當天的行程.
3. 車票售賣機點用?
使用車票售賣機時,先查看要到的車站要多少錢,後入錢,再在售票機上按下要買的票價按鈕.
4. 難波太空艙(Capsule Inn Nanba)/(カプセルｉｎｎなんば) 的資料.
[地址]大阪府大阪市浪速區難波中1-7-16
[交通方式]
a)從JR,近鐵,地下鐵四橋線的難波站31號出口出來,從正後方轉角處第2棟樓.
或
b)從御堂筋線難波站7號出口出來，徒步5分鐘
-每人每晚為2,500 YEN, 包睡衣, 牙刷, 毛巾.
-包早餐, 早餐是咖啡, 一隻雞蛋, 兩片牛油厚多士,
-私人: 一個鞋櫃, 一個行李櫃, 一個太空艙, 太空艙內有電視, 收音機, 燈. 另外鞋櫃同行李櫃有得鎖, 太空艙就無得鎖.
-公用: 中央空調, 雪櫃, 多土爐, 浴室, 漫畫室, 免費WIFI(佢話無, 但日日都用到).
-浴室有桑拿浴, 左邊小的是冷水, 右邊大的是熱水.
-Coins 洗衣乾衣機, 600 YEN 一次, Coins 飲品機, 比錢的小餐室.
Note : 無個人電源, D電話, 相機, Notebook 要走去漫畫室充電.
5. 買唔夠手信點算?
D手信在邊到買, 當然每個景點都有特式手信哪, 大盒的600 YEN 到 1500 YEN. 如果買唔夠, 不用愁, "南海難波" 站內同, "關西機場"內都有, 無咁特式, 但價錢都是600 YEN起, 無貴過出面.
6. 有 mud 地圖 分享 ?
難波(心齋橋, 道崛頓, 千日前, 法善寺 ) , 嵐山(渡月橋, 天龍寺 , 常寂光寺, 嵯峨野), 箕面瀑布, 有馬溫泉, 火車証(KANSAI THRU PASS) 簡單板, 嵯峨野觀光列車線, 火車價表
7.點解無奈良的地圖? 比隻鹿食佐!
8.無Mapking, 用唔用到GPS 定位?
我用freeware MGMAPS, Download "Google Map" to offline mode, 只要你個GPS Device support Java 就OK! 我部LG手 機的郊果.
9. 日本的紅葉情報在那找? 2009 紅葉最前線
沒有留言:
發佈留言